Tudoshon bunga na mangerbangi malos marurus
jala manilu… doi hape
salpu doi songon halilu
haulion i
Soripada na manghabiari Tuhan,
ido na ummuli,,, na dumenggan
gomos di tangiang na i pasaut
sangkapta i
Manganju ma ho… inang ni gellengku
pos roham… siadopan
hot do ho dirohangki
saleleng dingolungki.
Marhohos haringgason gontingmi
manghobasi… na ringkoti
Satahi… saoloan hita,
mangulahon nauli i
Girgir ma hita marsibasabasa
asa manumpak pasupasu ni Tuhan
Marbisuk ma angka gellengta,
marholong roha… si oloi poda
Sahat ma hita… saur matua,
diramoti Tuhan i.
