Bulan marsalpuan taon sai nibolusan
Nunga mansai leleng dung borhat au tu parrattoan
Mangalului ngolu na dumenggan
Tarhirim ho inang hinajogi ni parjalang
Songon dongan magodangki naung marhasonangan
Na ganup taon mulak padenggal tangan
Pos roham inang, inang nabasa
Sotung dirippu ho au anakmon lupa marinang
Palias i inang tu hodo roha
Boha tarbahen au sibaranki gabe alokku
Lam tamba sidabuan lam surut passarian
Sipata do au inang ditipa utang
Loja mandiori ngolu siapari
Siak ni bagianki
Roha bobonosan marningot hapogoson i
Na hansit ma nian di au parjalangon
Mago-mago dipakkiriman
Lungun so tarharharan bagian ni partubuan
Dang na tois hu dainang molo soada pe tongosan
Lao patupa balanjo ni pahoppumi pe
Mansai maol do huparade
Sai tangiangkon au inang tumibu juppang niluluan
Horas maho ale inang di gomgom Tuhan
Horas hami diparserahan
