Sian nadao hubege do sada ende
Tarsongon namangandung-andung Inang
Mangandungi au parjalangi
Bornginnai tangis tarlungun-lungun Inang
Dijou au mulak Inang, tu rura silindung i
Asa gira huida Inang, nalambok malilu
Mansai hansit jala ngot-ngot
Mansai porsuk jala dangol do andung i begeon Inang
Dirusuhi, dibolai ate-ate dibagasan
Hilalaon Amang da Inang
Nalao au mulak Inang, tu rura silindung i
Disi do paimahon Inang, nalambok malilu
Hundul au Inang pual-pualon
Tangis au Inang asosombopon
Mata pe inang so ra tarpodom
Binaen ni sidangolon da Inang
Dubahen i aut marhabong au
Tarsongon lali habang au dainang
Tongkinon do au lao habang
Manampui dolok rura amang dainang
Nalao ma au habang Inang, tu rura silindung i
Asa gira huida Inang, nalambok malilu
Cipt. Nahum Situmorang
