Suda do sinari ni gogo da amang
Holan humokkop ho nang anggi ibotomi
Marhoi-hoi au amang tu dolok tu toruan i
Anggiat sahat da amang parsikolaanmi
Ingotma, di akka podaki amang
Gabe anak na hasea ho anak hasianku
Gabe siihuthononni anggi ibotomi
Jala asa angur amang panggoaranki
Maridi hodok au amang, di tonga ni hauma i
Martaon udan au amang di tonga ni balian i
Ai so huboto be amang dai ni na loja i
Holan humongkop ho amang nang anggi ibotomi
Anggiat sahat da amang sinakkap di roha i
Patulus ma amang na marsikkola i
Asa marlaba da amang sude na lojakki amang
Cipt. Rian Sianturi
