Kubuniken bangku kuba lembah-lembah kegelapen
Ersura aku ngelupaken kena oh nande itingku
Alu inemen sekot campurna coca-cola itengeh lampuna si midep-midep
Kelilingi dayang-dayang ije kudarami sambar gantindu
Ku baba ndauh ate mesui bekas penadingkenndu
Ersura aku mbeneken gambarndu sikulukisken ibas pusuhku
Entah alu minem-minem entah alu mabuk-mabuk
Entah alu rende-rende entah alu landek-landek
Maka banci nande iting kam kulupaken
Lupa tuhu nge lupa nggo lupa aku man bandu
Tapi bayang-bayang ndu lalap kuinget oh nande itingku
Bene tuhu bene nggo bene kegeluhenku
Tapi gelarndu rusur kusinget oh morah ateku
Entah kena nge ndube lampu sanga aku jadi sumbuna
Rara ras las pe nggom kugengken gelah ras kena
Entah kena nge ndube ratu sanga aku jadi rajana
maka dayang-dayang e pe la ngasup nggantiken kena
